由於媽媽心血來潮想我們2017（雙春潤月）結婚，
所以我們擺酒的日子定得比較倉促。
距離我的Big Day 不到一年的時間，
突然要很趕急的找場地。
幸好擇到的日子其中一天是平日，星期一！
基本上星期六那天，很多婚宴場地都Full 場了！
由於是平日擺酒，我本身主要都集中找油尖旺區，方便大家放工前往。
但發現自己覺得靚的場地, 就算在星期一都Full 場了😭
本身打定輸數，只要地點方便，裝潢不要太差就好啦！
點知，係Facebook 見到名門壹號的廣告。
由於剛剛2016年11月開幕，在12月訂酒席有10圍送1圍的優惠。
於是我和男友就去睇睇！
那晚先去了中港城皇上皇，煌府188，最後才去了位於荔枝角宇晴匯的名門壹號！
話就話地鐵一出4mins 行到去。 其實由出閘行去出口都行左一大段直路。
一上到去就係商場，個商場係普通屋苑商場。
同埋對於非街坊來說，名門的位置係比較難搵。
最後由出閘行到名門大約行10mins左右！
老實說，我同男朋友一見到個場已經好滿意！
而且我開15圍，佢已經可以比我包大個邊個場！
佢每個場本身都有獨立門口，呢一點好好！
比想大家睇先（官方圖，但同實境差不多）
大場
中場
細場
佢細分可分3個場！
原本我15圍佢建議我大 / 中間個場都可以。
但中間個場對我來說會好逼！
原本佢大場mins chgs 要128,000
可能新開的關係，佢話15圍就可以，不理價錢！
講返個場（大場），真心靚！樓底好高，個台都好大，四方無柱！
最緊要新開，咩都好新，感覺良好！
仲要係開新，好多優惠唔洗R, 佢都主動比你！
價錢都好優惠！
以下菜單無需再加一，但酒水就要另加！
佢本身包埋印帖、而佢地有成10多款帖比你揀，
要求不高的話，你絕對會揀得落，唔駛自己出面再印！
唯一不足係新娘房唔大，但都有獨立洗手間，足夠容納5，6個人！
總之都足夠2個人同新娘換衫加多個化妝師！
同埋係屋苑商場內，可能有人會覺得唔好睇。
我個人就接受到！同埋最緊要都係酒樓本身個場夠靚。
同埋始終係新場，網上無任何新人的宴後分享！
基本上當晚睇完場已經決定係呢間！
不過都要返去問下雙方父母。 當然父母都無問題！
所以第二日就已即刻去落訂！（好怕比人訂左，又要再搵場）
好啦！又搞掂一個大item😌😌
可以向另一個item 進發💪🏻💪🏻
******************************************************
歡迎合作邀請: littlerainy89@gmail.com
更多韓國旅遊 / 美容小分享
Facebook:
YouTube: littlerainy89
BLOGSPOT: http://littlerainy89.blogspot.hk/
ESDlife: http://wow.esdlife.com/littlerainy 主要分享結婚資訊
BeautyExchange: http://www.beautyexchange.com.hk/blog/Little%20Rainy
沒有留言:
張貼留言