前幾日同老公拍拖行街，去左新世紀廣場～
見新世紀新開左間泰國菜「象屋」，就走左入去食。
原來間餐廳係有泰菜&西方菜～
唔怪得佢ge裝潢甘高貴！
但我太耐無食泰國菜，所以all in 揀哂泰國野～
得2個人，但樣樣都想食，最後揀左3樣我覺得食泰菜必食的菜式： 小食拼盤、菠蘿雞肉炒飯、冬蔭公海鮮湯米粉。
小食拼盤有我最愛的蝦餅&春卷～
熱辣辣脆卜卜～ 好好味!
中間有2燈菠蘿，我覺得好特別～
食完一堆炸物，再食塊菠蘿，真係好正！
個口即刻清新哂，無哂油膩感。
冬蔭公海鮮湯米線
我記得餐牌係寫米線，但黎到係米粉，可能係我記錯！
不過個冬蔭公湯底真係好好味，我連湯都飲埋！
最後菠蘿雞肉炒飯！
佢同好多泰國餐廳一樣會用返菠蘿上菜，
但佢好特別，佢係用菠蘿傾斜甘放作伴碟。
菠蘿份量好多而且好甜～
另外有好多配料，肉鬆，腰果等～
食落口感好豐富！
沒有留言:
張貼留言